الأمل بيحضن سنين
... بقلم : نشأت خضرجى...
لسه الحياة ماشية
وخدانا فى ايديها
بتلف بينا
و ناس علشنها
صابرين
مستحملين
مكملين
و فوق الوجع ماشين
وروح بين ضلوعنا
بنحن عليها ليل و نهار
واخده فى حضنها
زرع السنين
و دموع
نازله سيل
تاه منها جسمنا
نستنا حتى أسمنا
فى حياتنا
حتى رسمنا
جوه العيون
صورة بهتانه
على مراية مكسورة
من وجع السنين ...
و يا خسارة ع الأيام
شوفنا منها و اللى فيها
ساكنين جحور
و نن عنيهم بيطق شرار
جرحونا و أذونا بمرار
يا مراية عيونا سامحينا ....
و طول ما القلوب
حوالينا صافية
بتطرح خير
ف طريق حايتنا
حنلاقى الأمل
بيجرى علينا
يضمنا بفرحه
يدفينا بحضنه
ياخودنا ... ينسينا
اللى كان
و اللى عدى زمان من عمرنا ...
و ألاقى البسمة
على الشفايف
و طبع الحسن
منقوش ع الخدود
بزرع الورود
بين الناس الطيبين ...
بين الناس الطيبين ...
بين الناس الطيبين ...
الجمعة ٢٠٢٣/١٢/٢٣
ليست هناك تعليقات:
إرسال تعليق