( قلبي عاشق ولهان )
*
*
*
السحر إللي ف عينيكي
والشوق باين عليكي
خلى قلبي يناديكي
ويقول عاشق ولهان
*
*
*
ماتحني على قلبي حبة
وإسقيه عشق ومحبة
دا هواكي عسل بمربى
ومفيش حب يضاهيه
*
*
*
تعالى وطيري ف سمايا
لجل يزيد فرحي وهنايا
وتعيشي العمر معايا
دا إللي يفرح قلبي ويرضيه
*
*
*
هتخلي الدنيا جنة
ونعيش في الفرح ونتهنى
مش قادر تاني أستنى
حني على قلبي إرحميه
*
*
*
كل مادا بيزيد حنيني
وأبات والشوق ماليني
وصورتك تملي في عيني
ومش عارف أعمل إيه
*
*
*
قلبي بالشوق ناداكي
وبيتمنى ينول رضاكي
مشتاق وغير هواكي
مافي شيء هيخاف عليه
*
*
*
أحضنيني مابين إيديكي
وأحضني قلبي بعينيكي
بالعشق راح يرويكي
ويشيلك في نن عينيه
*
*
*
قلبي عاشق ولهان
بقلمي #
الشاعر/ وحيد محروس خليل
ليست هناك تعليقات:
إرسال تعليق