على باب الله
**********
كلمات/ السيد عطاالله
الصبحيه بدري
ع رزقي اجري
راضي بقدري
يارب تغمدني
أحضن النسمه
و الصحه نعمه
تكفيني لو لقمه
الرضا يسعدني
شقايا و كدي
من زمن جدي
عمري هايعدي
السعد معاندني
هاسعى و أكابد
ع رزقي أجاهد
يارب أنا لك عابد
ليه الحزن زودني
مش عاوز أناطح سحاب
ولا عاوز أجري ورا سراب
عاوز يادوب للستر أسباب
الله يسامح فقر بيكيدني
أنا طالب الستر م الفضايح
ف ملكوتك يارب أنا سايح
على باب الله أغني مدايح
يكفيني شر ظالم يستعبدني
كلمات السيد عطاالله.
ليست هناك تعليقات:
إرسال تعليق