(منلوج)
(((لا تقول فول)))
***************************
كتبت هذا المنولوج
في ستينيات القرن الماضي
وقد نشرته في كتاب فكاهي
كان يصدرباسم (إبتسم وأنس همومك)
وغناه المنلوجست الراحل
(((حسين فارس)))
***************************
لا تقول فول ليصير بالمكيول
خللي كلامك موزون ومعقول
***************************
لاتقول بتجوز خانم اميره
وبقعد وياهاوبنشرب بيره
وبيتك على الارض ما فيه حصيره
بيضحكوا عليك وبقولوا مهبول
***************************
لا تقول أنا بكره بركب سياره
وبوقف بزمر بنص الحاره
وبشتري مخزن ودكان وعماره
وبطنك عم بتنق على صحن فول
***************************
لا تقول رح اسافر بكره ع لندن
وبعدارح بزور مدينة واشنطن
واصرف دولارات من غير مااعدن
حاجه بخيالك بتصول وبتجول
**************************
لا تفكر تحصد من غير ماتزرع
ولاتطول شعرك والصلعه بتلمع
ولابتتجوز ومافي مهر تدفع؛
تفكيرك والله شغل واحد مسطول
***************************
لا تظن بتدخل جنان النعيم
وعملك بالدنيا ماهو مستقيم
وعم بتضر الناس بقلبك هاللئيم
غير كرسي بجهنم مارايح تطول
*************************
شعر ؛ نذيردهان
ليست هناك تعليقات:
إرسال تعليق