زي ماعجبه قولي ونهجي خرج
مانصحب الا كل زاجي
................................................
قلت في البدايه ذكر ربي فرج
مجيب لاناجى المناجي
ياهاجسي فكري معاك اندمج
نشط نشيدي واندماجي
حيا بمن قلبه تزجج وزج
له مننا طيب ازدواجي
بعض البشر بيعيش داخل مدج
ماتسكنه غير الدجاجي
والبعض ساكن ف جناح مزدوج
والصرح حقه من زجاجي
والهم ذي كان في ضنوني زلج
بعد المعاسير انفراجي
ماهمنا من ضاق والا اشتبج
قد باانتبه واضرب خراجي
ماينجح الا من شرب ماء خمج
هذا حسب تقرير مزاجي
والا من اتلابج، لبج، والتبج
يشفى المريض بعد العلاجي
والمصلحي من لاوعد وابتعج
يخسر علي واحمد وناجي
لاتحتزم بانذال والاسمج
ياالله بك يقوى سراجي
ولايغرك من تحجج وحج
ومن سكن وسط البراجي
عرفت الافذاذ والرجال الهمج
واطيب رجال اهل المحاجي
ذي ماعجبه قولي ونهجي خرج
مانصحب الا كل زاجي
ثم الصلاه عل النبي ذي عرج
واسرى غبش في ليل داجي
محمد الشرحي
ليست هناك تعليقات:
إرسال تعليق