بحبك
فى يوم مسكت القلم وكتبت كام كلمه
لقيت بحور الالم زالت مع الضلمه
بصيت فى وسط الندم على ماضى كان نسمه
وجدت نورك هدانى وفرحت بالبسمه
كونت كلمه من اربع حروف غاليين
كتبت كلمه بحبك من بعد صبر سنين
لقيتنى ويا القلم بانظملك الدواوين
على صفحه جبين الليل واهديها للعاشقين
كتبت انك حبيبتى يا زهره البساتين
كتبت كلمه بحبك وانا حاسس معانيها
اربع حروف دنيتى عايش انا فيها
والبدر فى خلوتى نور لياليها
خلانى من بهجتى افرح واغنيها
وبكل حب وحنان لحبيبى اهديها
مسكت يومها القلم وحكيت له اسرارى
ووضعت قلب اترسم فى كل اشعارى
رسم القلم جنتك وانا فيها مش دارى
ان الهوا صابنى وبدأت مشوارى
خالد محمد على
ليست هناك تعليقات:
إرسال تعليق