تماثيل ولبسه وشوش
----------
اللي هشوفه منكم تاني
ادامي مش هسمي عليه
زمن الطيبه عندي وللا
واما اشوف اخركم ايه
لازم أعرف كل واحد
وضعه وحجمه الحقيقي
واللي شايف نفسه حاجه
ببساطه مابحبش افهمه
هسيبه في وهمه عايش
وحاسس عمري ماخسره
وهلعب الدور المناسب
مع ال هيجي في طريقي
يا تماثيل ولبسه وشوش
ملكمش غير القسوة مني
مصلحجيه متستاهلوش
ابقى عليكم والكل باعني
قفلتوا بابي ماحستوش
مع السلامه واستنوا ردي
عمري اللي جي من حياتي
انا لازم اغير من فكرتي
هتعامل بكل هدوء وعادي
مع ال سابني في ازمتي
مش هلوم ولا اعتب عليه
وهسيبه شايف ثقتي فيه
هيتعشم طيب وماله
وهيشوف اخر عشمه ايه
يا تماثيل ولبسه وشوس
ملكمش غير ...
هعيش بمبدء اللا مبالاه
وكبر دماغي مع اي حد
هخلي هدفي في الحياه
انا لنفسي خلاص بجد
مفيش جدعنه ولا شهامه
ملكمش اكتر م الابتسامه
مش هبين زعلي منكم
وهتبقى معرفه والسلامه
يا تماثيل ولبسه وشوش
ملكمش غير ..
---------------------------
من ديوان شعر لي
بعنوان ( خايف احبها )
محمد العتريس
ليست هناك تعليقات:
إرسال تعليق