احنا واحد.....
💕عاصم سعيد💕
إحنا زي إتنين توئم
رغم دايما ف اختلاف
الملامح هيَّ هيَّ
حتي شِعرك
حرف قلمك
خط سطرك
لون عيونك
إحنا زي سبع سنابل
دوبنا في سنينا العجاف
كنتي طوق نجاه لقلبي..
لما قلبي كان يخاف...
المس النبض اللي فيكي
ينتفض عندي الوريد
إحنا قصه تانيه خالص
إحنا لون ف الشوق جديد
تعرفي؟؟
بسمع كلامك.!
كأن صوتك همستك لسه ف وداني.؟!!
يعني في عز ما كنت ساكت.!
احس صوتك مني داني او ناداني.!
باسمع إسمي بين حروفك.!
حلمي أكون أمان لخوفك...
يعني أنا وانت توئم
حتى صوتي هو صوتك...
نبضه صوتها عالي عندك بتقول انا وانت حبايب..
ايوه هو نفس نبضي..
بس إحساسك اللي غايب...
لازم احكي إني بحبك؟ ..
طيب ما انت شايفه حالي...
قلبي عندك جوه حضنك..
حتى أملك من امالي...
قولنا هانغيَّر معاني لوخلص بينا الكلام
يعني لما تقولي عاصم
ادوب من الشوق والهيام
تبتسم فيا الأماني
وانتظر انك تحني مره كل ألف عام...
إحنا اصلاً إتنين ف واحد
أيوه واحد ..
بس مقسوم بانتظام.....
بقلم 💕عاصم💕
ليست هناك تعليقات:
إرسال تعليق