وبتساليني
بعد الفراق مين السبب
مين اللي علم التاني القساوة
مين اللي ضيع قلب حبه
بشويه غباوة
مين اصلا فهمك
مين علمك
ان قانون العشق
يتقاس بالحلاوة
فات الاوان
اوعاك تفهميني
اياك توهميني
بانك لسه زي ماانت
حساني بحنان
وانك المظلومه
والمحكوم عليها
وانك الانسان
انتهي عصر النبوة
مبقاش فينا طهارة
كل زمنك ظفارة
والله ماهي شطارة
اصله خيط ملدوم بابرة
والعبارة في الدوبارة
ماهي نزلت الاسامي
ولعبت احلي دور
دور الخيانه لايق
متفصل عليك شور
هو يعني ينفع
نرجع نعيده تاني
تعود من غير شعور
ولا علاج مؤقت
مفعوله يروح بسرعه
عيبك هو غرورك
تمثيلك احلي دور
دخلت مرة قلبي
وخرجت بسرعه تجري
اديك ياناصحه ضعت
ونسيت كلمه مرور
اصلك مش واخدة بالك
من كتر الرايحه جايه
مات منك شعور
من كتر القسوة منك
بقي جواك بارد
لا عاتب نافع معاك
ولا توبة راضيه بيكي
اصل اللي كان شاريكي
باعك برضو ببلاش
صعب بعد موتك
تعودي مرة تانيه
حتي لو فاتورتك
هتدفعالها كاش
اعتبري نفسك كنت
يوم وفات وعدي
او احساس كان مؤقت
او وهم كان في حلمك
وكانه في يوم مجاش
احمدعبدالحق
ليست هناك تعليقات:
إرسال تعليق