بث مباشر
تأليف شعبان محمد الطحان
بث مباشر
م الأول للآخر
مش محتاج مطبعة أو ناشر
كله على عينك يا تاجر
""""""""
طفل ماسك حجر
وكلب واخدله ساتر
وام تحت المطر
رافعة ايدها للسما
بتدعي عزيز مُقتدر
وشيخ على سجادة صلاة
رب إني مغلوب فانِتصر
وشجب..وندب..ليل نهار
وعيون متغمّية بالعار
وعرب على بعض نار
وكأن مابينهم وبين بعض تار
استرها علينا ياستّار
ملناش غيرك ساتر
"""""""""
والبث لسه شغال
جايب عقول عقل بِغال
ده احنا ولاد عم وخال
آه وآه ياشوية نِعال
ده بيقتل أخويا وأخوك
وقابليها قتل أبويا وأبوك
ولا ولاد اللذينا نسّوك
وف محراب الخزي وضّوك
عملولك غسيل مخ
ونسّوك الأخت والأخ
اخ..جيت ع الجرح
طخ..مليون طلقة طخ
"""""""""
أقول كمان ياشاطر
ولا المستخبي بقى ظاهر
عملتوا من النِجس طاهر
مش باقي غير إني الآقيه
عامل م الكعبة ساتر
ارجوك كفاية بث..وفضها سيرة
عريّت وشوشنا العيرة
ولا أقَولك قُول مهما تقول
مفيش حِسّ...لو ألف بث
ماتت جوانا النخوة والغيرة
وبقى العدو هو الساتر
""""""
بقلم ابو رحاب الشاعر
ليست هناك تعليقات:
إرسال تعليق