قصيدة العشق الممنوع للشاعر ابراهيم رمضان
غنيت موال
وكتبته في مرسالي
أنا لسه بحبك
ونا عارف انك نسياني
والبعد الجافي
خلاكي تظني
إن انا ناسي
انساكي ازاي
ونا كل حروف اسمك
جوايا بتتشكل
في الفرح ابتاعي
وأحزاني
مش ممكن ابدا انساكي
والعشق الساكن جوايا
بيلضم من جوه حروفك
مواويلي
وتاخذني الساقيه وتبعدني
اتونس بكلامي معاكي
الذكرى الساكنه في ضلوعي
أنا لسه بحبك
وبفكر
سايب أحلامى
تسافر وياكي
وتوه في العشق الممنوع
أنا عارف انك مخدوع
يوم ما قالولك
سافر من جواكي وهاجر
رمى أحلامه
في تابوت الغربه
ومش ممكن يرجع تاني
يلضم من جوه حروفك
حواديت
ونا مهما بعدت
الشوق الطايف حواليك
خلاني احن
وتمنى اشوفك لو صدفه
وسرد من جوايا
كل الحواديت
ليست هناك تعليقات:
إرسال تعليق