(حوار زوجه مع عزرائيل)
مين اللي خبّط وفتح الباب؟
وخطوة رِجْلو تقول قبقاب!!
ما ترد علينا الله يخليك؟
لو انت جان تبع اي كتاب؟
ولو انت انسان ربنا يهديك
من غير لعنه ولا حتي سباب
لوانت ف عوزه طب ايه اديك؟
أنا عندي البيت مفروش بتراب
أنا كده خلاص عرفتك مين
من غير تخمين جاي لحساب
لو جاي علشان تقبض روح
وتفتحلي جروح وتحرم احباب
ممكن اسال لوكان ده يجوز؟
جاي لعجوز أو جاي لشباب؟
اناجوزي عجوز أه مستنيك
ريحتو فنيك ورِمشو أه شاب
وحِلمو زمان قتلو و دفنو
ومجهز كفنو ف رف دولاب
ومنع الزاد وف نفسه كئيب
وملهش حبيب وعيشتو عذاب
خد منو الروح وده ارحملو
بدل ما تاكلو قطط وكلاب
أما صغارنا سيبهم بكره
دول علي فكره يدوب بشناب
هما ساعدنا وهما سندنا
لو حد عاندنا ياكلوه بالناب
شعر المستشار / عبد الرسول كريم
ليست هناك تعليقات:
إرسال تعليق