حكايتنا
*************
هى دى حكايتك معايا
رسمتهالى بإيديك زمان
تحكى كلمه كانت مابينا
وتضم كل مشاعر الحنان
اللى سابت فينا علامه
وذكرى جميله فى الكيان
راسمه من مشاعرنا صوره
والعمر اللى عشناه زمان
عمر اللى عدى كأنه لحظه
هو اللى عشته معاك زمان
وعمر هايجى بعد لحظه
مالهوش معالم ولا عنوان
تايهه فى الشفايف كلمه
بتوجع قلبى من الحرمان
وبنبض قلبى دقه دقه
تتمنى ترجع لعمر كان
كنت بشوف ف عينيكى بسمه
بتلاحقنى وأحس الأمان
كنت بشوف ف عينيكى نظره
يعجز لو يوصفها اللسان
عشت تايه ف عمرى كلمه
وبتوصف ف حروفها المعان
حكايتنا بنحكيها فى كلمه
ويرويها من بعد منا الزمان
بس خساره مابقتش كامله
قصه ومحفوره ع الجدران
مكتوبه فينا قصه باقيه
وتحكى عنا كل اللى كان
كان بيربط قلوبنا كلمه
واستكترها علينا الزمان
بيمحي فيها نقطه نقطه
والذكرى رساله م النسيان
تمحى فى كلمة بحر نقطه
وتمحى ف الدنيا الأمان
لا أمان من بعدك ولا ألفه
وموج هايج من الحرمان
ورمال الشط فيه دايبه
على حب مات من البركان
وبذور م الحب مبدوره
على رمل شاطئ الحرمان
ماتت فى الرمل مدفونه
ومكتوب شهيدة الحرمان
م/محمد بدوى أبوالعلا
ليست هناك تعليقات:
إرسال تعليق