♤♤♤♤♤♤♤ ستر الفقير ♡♡♡♡♡♡♡
في قصصنا . عن الغلابة
كل الكلام . تلاقيه
فرحة . وعيون كدابة
تشرحلنا . معانيه
بسمة رضا . وطيابة
وهموم . تبان . في عينيه
ولكل يوم . حكاية
بتزيد آلام . تحنيه
وادي قصة . كانت آيه
على كل كلمة فيه
تحت المطر . بياعة
بإتنين . تلاتة . جنيه
ترمس . شايلة . وجاية
ربت . عيالها . بيه
تعبت نامت شوية
ورمت. حملوها عليه
والصورة . كانت . آية
ع الفقر . واللي فيه
يارب . كل الغاية
ستر الفقير . تراضيه
♡♡♡♡♡♡♡♡♡♡♡♡♡♡
في حياتنا الكثير من الصور التي تبوح لنا بمعان تؤلمنا ونكتفي
بمشاهدتها فما بها ألم نسمع أنينه دون أن يتكلم
ستر الفقير
كلماتي/ شاذلي محمد عبدالرحمن حسين
ليست هناك تعليقات:
إرسال تعليق