( هم يضحك ) :
هم يضحك هم يبكي
بس البكى في الدنيا الغالب
حني عليا يا دنيا وفكي
خفي عذاب وكفايه مقالب
هم يضحك بيخليني
أنسى عذاب الضنا وسنيني
هم يبكي الكون حواليا
تنزل دمعتي نار من عيني
هم يضحك ويحيرني
علشان دايما بيخيرني
بين الصحبه وبين الوحده
حد يقوللي وينورني
هم يبكى ويبكي عليا
خلى الكون إسود في عينيا
كل ما اقابل حد حزين
أبكي عليه ما البكا بقى غيه
ليه الهم محاوط قلبي ؟
ليه مصاحبني وساكن جنبي ؟
هو مفيش في الدنيا دي غيري ؟
ذنب الهم دا ولا دا ذنبي ؟
هو مفيش في الدنيا دي غيري ؟
ذنب الهم دا ولا دا ذنبي ؟
بقلمي الشاعر جمال زكي عينر
ليست هناك تعليقات:
إرسال تعليق