♤زجل♤
نْشَفْ الْوادْ
~~~~~~
نْشَفْ الوادْ الرَّقْراقْ...
ؤُكْتَرْ الَغْبارْ مْدَرْدَرْ الَعْيونْ...
تَلْفاتْ الضَّحْكَة ؤُطاحْ الصْفا
تَلْڭاهْ ريحْ صادْ مْنونَخْ...
الْعَضَّة فَ الضَّغْمة حْرارْةْ...
وَالْڭَهْمَة سَرْطاتْ الْمَلْهوفْ...
لْبَسْتْ صوفْتْ الجَّرْيَة بْسَلْهامْ..
ؤُدَفِّيتْ بَرْدْ الجِّيبْ الكافَرْ...
جادَتْ الوَقْتْ بْڭَطْراتْ الرْوَى
ڭَلْتلِيا نْرَقَّعْ توبْ الصَّعْرَة...
شَرْقاتْ شَمْسْ الِّليلْ مْوَضَّرْ
هَرَّسْ جْناحْ الْخاطَرْ المَشْقوفْ
مْشَطَّحْ حْماقْ الوَقْتْ...
شاتَفْ مْحَرْنَطْ عْفيطْ...
تَلَّفْ الَمْصَنْڭَعْ المَقْجوجْ
صَهًّدْ اللْيالي مْدَوَّبْ الَمْجاج
والشُّوفَة تْكَرْفاتْ بَطْمَعْ اللَّهْفَة
ؤُتْكَرْدَدْ ڭَرْوَشْ عْرَڭْ المَلْحوفْ
طَرْزاتْ الأَيَّامْ صْقَلِّي باهَتْ...
سَرْسْباتو كِيَّاتْ العْمَرْ...
وَالمُغْزَلْ غَوَّلْ خْليعْ مْرَقَدْ
شَنْشَطْ راسْ الْفَرْطاسْ...
والزِّيغَة جَعْرَاتْ قَطْعاتْ المَعْقولْ
ؤُالعَلْمْ قَزْضْروهْ بَرْڭيعْ مَتْلوفْ
تْخَلَّطْ بْرامودْ الطْبَڭْ...
ؤُوَكْحاتْ العْيونْ عَطْشاتْ
صامَتْ ؤُصاڭْتْ المْكَفَّحْ...
بزْغاريدْ سَكْتاتْ الْغيطْ...
ؤُسْبولَة تْوَحْشاتْ رْبيعْ زْمانْ...
فْ لَمَّةْ الَخْيارْ عًزْ محفوف
بِينْ يُومينْ تْرَشَّاتْ الصَّحَّة...
تْعادا الواقَفْ صَحْ بَالْعَيَّانْ...
جاتْ مَنْ بْلادْ الَصْفَرْ رْزِيَّة
تَحْصَدْ بْنادَمْ قاطْعَة البْحورْ...
حَيْراتْ الْعالَمْ فينْ يَلْڭى دْواهْ
لَبْخوهَا تَحتْ الْمْكَرْ المَلْفوفْ
طاغوتْ الْجاهْ سُلْطانْ حْكَمْهُمْ
الزْعَرْ والْصْفَرْ مْغَبْقينْ عَلْمْهُمْ..
وْكُلْ حَفَّارْ لْغيرْ غَدَّا فيها يْطيحْ...
رَبْنا الْعالي يَحْفَظْ البْلادْ والعْبادْ...
المَرْضْ الْكافَرْ هاجَمْ الْعالَمْ سايَڭْ...
طاحَنْ شَلاَّ بْنادَمْ تَغْفَلْ مَكْفوفْ
وْكُلْ مَرْضْ ليهْ دْوا غَدَّا يْتَلْڭى...
رْجانا فْ الْعالي يْغيتْنا بَشْفاهْ...
عومَة تْشافي مَنْ بَعْدْ القَحْطْ...
بْرِيَّةْ الكْريمْ مولْ الجودْ السْخِيْ
تْطَهَّرْ الڭْلوبْ وَتْصَفِّي النْفوسْ...
كونْ دامَتْ لَلْغيرْ ما تْدومْ المْكْروفْ
الْوادْ حْمولْتو قْدارْ والدَّايَمْ مُولانا
الْوادْ حْمولتو قْدارْ والدَّايَمْ مُولانا
بقلم محمد حديش
م͠ ج͠ .ح͠
~~~~~~~~~~
23\03\2020
《 شرح لبعض الكلمات 》
مدردر أي تشتت ~ ؤطاح أي سقط
منونخ أي أحمق~ الْڭَهْمَة أي التخمة
موضر أي تائه ~ المشقوف أي صفيحة
مْشَطَّحْ أي مرقص ~ شاتَفْ أي يدوس
مْحَرْنَطْ أي ثار ~ الَمْصَنْڭَعْ أي الطائش
المَقْجوجْ أي المخنوق ~ تْكَرْفاتْ أي ضاقت
ؤُتْكَرْدَدْ ڭَرْوَشْ أي مضغ العظم الرقيق
خْليعْ أي نوع من الأكل ~ الْفَرْطاسْ أي الأقرع
جَعْرَاتْ أي هاجت ~ قَزْضْروهْ بَرْڭيعْ أي ضلل بتهور
بْرا♤زجل♤
نْشَفْ الْوادْ
~~~~~~
نْشَفْ الوادْ الرَّقْراقْ...
ؤُكْتَرْ الَغْبارْ مْدَرْدَرْ الَعْيونْ...
تَلْفاتْ الضَّحْكَة ؤُطاحْ الصْفا
تَلْڭاهْ ريحْ صادْ مْنونَخْ...
الْعَضَّة فَ الضَّغْمة حْرارْةْ...
وَالْڭَهْمَة سَرْطاتْ الْمَلْهوفْ...
لْبَسْتْ صوفْتْ الجَّرْيَة بْسَلْهامْ..
ؤُدَفِّيتْ بَرْدْ الجِّيبْ الكافَرْ...
جادَتْ الوَقْتْ بْڭَطْراتْ الرْوَى
ڭَلْتلِيا نْرَقَّعْ توبْ الصَّعْرَة...
شَرْقاتْ شَمْسْ الِّليلْ مْوَضَّرْ
هَرَّسْ جْناحْ الْخاطَرْ المَشْقوفْ
مْشَطَّحْ حْماقْ الوَقْتْ...
شاتَفْ مْحَرْنَطْ عْفيطْ...
تَلَّفْ الَمْصَنْڭَعْ المَقْجوجْ
صَهًّدْ اللْيالي مْدَوَّبْ الَمْجاج
والشُّوفَة تْكَرْفاتْ بَطْمَعْ اللَّهْفَة
ؤُتْكَرْدَدْ ڭَرْوَشْ عْرَڭْ المَلْحوفْ
طَرْزاتْ الأَيَّامْ صْقَلِّي باهَتْ...
سَرْسْباتو كِيَّاتْ العْمَرْ...
وَالمُغْزَلْ غَوَّلْ خْليعْ مْرَقَدْ
شَنْشَطْ راسْ الْفَرْطاسْ...
والزِّيغَة جَعْرَاتْ قَطْعاتْ المَعْقولْ
ؤُالعَلْمْ قَزْضْروهْ بَرْڭيعْ مَتْلوفْ
تْخَلَّطْ بْرامودْ الطْبَڭْ...
ؤُوَكْحاتْ العْيونْ عَطْشاتْ
صامَتْ ؤُصاڭْتْ المْكَفَّحْ...
بزْغاريدْ سَكْتاتْ الْغيطْ...
ؤُسْبولَة تْوَحْشاتْ رْبيعْ زْمانْ...
فْ لَمَّةْ الَخْيارْ عًزْ محفوف
بِينْ يُومينْ تْرَشَّاتْ الصَّحَّة...
تْعادا الواقَفْ صَحْ بَالْعَيَّانْ...
جاتْ مَنْ بْلادْ الَصْفَرْ رْزِيَّة
تَحْصَدْ بْنادَمْ قاطْعَة البْحورْ...
حَيْراتْ الْعالَمْ فينْ يَلْڭى دْواهْ
لَبْخوهَا تَحتْ الْمْكَرْ المَلْفوفْ
طاغوتْ الْجاهْ سُلْطانْ حْكَمْهُمْ
الزْعَرْ والْصْفَرْ مْغَبْقينْ عَلْمْهُمْ..
وْكُلْ حَفَّارْ لْغيرْ غَدَّا فيها يْطيحْ...
رَبْنا الْعالي يَحْفَظْ البْلادْ والعْبادْ...
المَرْضْ الْكافَرْ هاجَمْ الْعالَمْ سايَڭْ...
طاحَنْ شَلاَّ بْنادَمْ تَغْفَلْ مَكْفوفْ
وْكُلْ مَرْضْ ليهْ دْوا غَدَّا يْتَلْڭى...
رْجانا فْ الْعالي يْغيتْنا بَشْفاهْ...
عومَة تْشافي مَنْ بَعْدْ القَحْطْ...
بْرِيَّةْ الكْريمْ مولْ الجودْ السْخِيْ
تْطَهَّرْ الڭْلوبْ وَتْصَفِّي النْفوسْ...
كونْ دامَتْ لَلْغيرْ ما تْدومْ المْكْروفْ
الْوادْ حْمولْتو قْدارْ والدَّايَمْ مُولانا
الْوادْ حْمولتو قْدارْ والدَّايَمْ مُولانا
بقلم محمد حديش
م͠ ج͠ .ح͠
~~~~~~~~~~
23\03\2020
《 شرح لبعض الكلمات 》
مدردر أي تشتت ~ ؤطاح أي سقط
منونخ أي أحمق~ الْڭَهْمَة أي التخمة
موضر أي تائه ~ المشقوف أي صفيحة
مْشَطَّحْ أي مرقص ~ شاتَفْ أي يدوس
مْحَرْنَطْ أي ثار ~ الَمْصَنْڭَعْ أي الطائش
المَقْجوجْ أي المخنوق ~ تْكَرْفاتْ أي ضاقت
ؤُتْكَرْدَدْ ڭَرْوَشْ أي مضغ العظم الرقيق
خْليعْ أي نوع من الأكل ~ الْفَرْطاسْ أي الأقرع
جَعْرَاتْ أي هاجت ~ قَزْضْروهْ بَرْڭيعْ أي ضلل بتهور
بْرامودْ أي بطفيليات ~ شَلاَّ أي عددا
المْكْروفْ أي المأزوم ~ بْسَلْهامْ أي بمعطفمودْ أي بطفيليات ~ شَلاَّ أي عددا
المْكْروفْ أي المأزوم ~ بْسَلْهامْ أي بمعطف
ليست هناك تعليقات:
إرسال تعليق