يا عيني فيضي
_________
يا عيني فيضي م السدود
دمعك دهب للغالي يجود
زلزال وهز قلب الجدع
كسر الفؤاد من الوجع
مرار كتير الله يعين
قتلني الحزن نجمي وقع
وبقيت أرضى بدون حدود
وفى حضنها المُر زرع
يا دمع جود وسط الحقول
اروي الألم ف أرض بور
يمكن ف يوم جذر الأمل
يطرح زهور من فرع نور
تشرق عليها شمس وأصيل
وتشع نور من بعد ليل
أنا عودي انكسر وربك جبر
بالليل انحني و أقامه نور
___________________
بقلمي / ميشيل مكرم بباوى
البلد / مصر
ليست هناك تعليقات:
إرسال تعليق