🦈🐠إعزمنا عندكم 🦈🐠
البحر عندنا جميل طول السنه
ياحلاوة بحرنا والجو عندنا 🐋
بنعزم الاغراب يجونا يدقوا الباب
ما البحر بحرنا وفنارنا وهلبنا ⚓
لو عندك زينا اعزمنا عندكم 👌
سوق السمك مليان بورى على مرجان
بربونى مع غطيان ياسلام ع الشيكال
وشوربة الشيلان طعمها بيشدنا
لو عندك زينا اعزمنا عندكم 👌
ياسلام ع الحنشان وشوربة الوقار
فوارغ صيادية والشوربة بالتقلية
ياعينى ع السنجارى دا أكل السواحلية
مياس ومكرونة جايبنها من الماية
لو عندك زينا اعزمنا عندكم 👌
وشوربة بكلويز وفواكه بحرية
ياسلام ع الكافيار دى أكلة السلطان
اكلة جميلة لكن طعمها بيشدنا
البلطى والبورى والملح في خلولى
لو عندك زينا اعزمنا عندكم 👌
وعندك سمك الموز والنقط والمياس
والسيبيا والجمبرى إتفضل يا أستاذ
والشوخرم والشبار والاستاكوزا كمان
جوابى ومبطرخ إ تفضل عندنا
لو عندك زينا اعزمنا عندكم 👌
أحلى أنواع أسماك موجودة في بحرنا
والأكلة البورسعيدية كابوريا مشوية
ياسلام ع الدنيس كليمارى متقوليش
ويجونا مهما يجونا الخير عندنا
لو عندك زينا اعزمنا عندكم 👌
🌹✍منى العشرى
ليست هناك تعليقات:
إرسال تعليق