• بعت لك كلمة في جواب
بعتلك كلمة في جواب بس
أنتي مفهمتهاش كلمة حروفها كتيرة عملتلك منها أغنية ولسانك
مغنهاش
كلمة رسالة في كل حاجة حتي
في دعوة دعتها وركعه مركعتهاش
. رفعت أيدي للسما باكي
وأشتكيت للي مبينساش.
حرفتي معاني الأنسانية
ومعني كلمه عقلك مستوعبهاش
بعتهالك عن زهدي وأهمالي
ليكي بعتهالك ومكتبتهاش
بعتهالك في حبي للتوبه وكرهي
للغيبة بعتهالك راضي قانع للمولى
رافع أيدي بعتهالك والرد عليها مجاش
بعتهالك في نعي عن مرض
و فقر وجوع. وبقلبك الميت برضو محستِهاش
شمس بتنورك ونجوم بتزينك
ووهمتي الناس بجمالك الفاني والرحمة متعرفهاش بقيت في جنازتي أنا الميت وأنا الإمام
وأنا الجماعة كبرت التكبيرات
ودعوة الدعوات وفايتك عن قناعة.
ولبست لبسي الأبيض المجرد
من الموضه و المياعة. وأفتكرت أول يوم ليا عندك اللبس كان لفافه. وصرخة مع زغروده ونهايتها كلمة كبيرة في
جواب وعامله مفهمتهاش
بقلم : مراد دنقل
ليست هناك تعليقات:
إرسال تعليق