🌿🌿🌿🌿🌿 ذوي الهمم 🌿🌿🌿🌿🌿
🕊🕊🕊🕊🕊 إنسان بطل 🕊🕊🕊🕊🕊
إنسان بطل ضد الخطر
على حاله كان المنتصر
حِكمة قدر
زي المطر
وسيول بتنزل
وإحنا جوه المختبر
بنقول يارب
وبكل حب
مركبنا شق البحر
والموج إنكسر
عِد السطور
خليك صبور
إزعق وقول
أنا اللي قادر ع الضمور
ومهما فيكي يا دنيا حسيت بالقصور
هبني القصور
ويكون لي دور
أزرع بإيدي في الأمل
وأرمي البذور
وأفرد جسور
وأقلب طريق العتمة من الضلمة لنور
ويكون عبور
وأرسم بإيدي قصتي
وتكون معايا فُرشتي واصلة القمر
ماأنا البطل ضد الخطر
🌿🌿🌿🌿🌿🌿🌿🌿🌿🌿🌿🌿🌿🌿
شادوليات
شاذلي محمد عبدالرحمن حسين
ليست هناك تعليقات:
إرسال تعليق