أتغيرت
أيوه أتغيرت أنا ف بعدك أيوه أتغيرت
وعلي طيبة قلبي ومشاعري أيوه أنا قدرت
ما أنا ياما علي كل عمايلك ياحبيبي صبرت
وكتير علي غدرك وقساوتك أنا أستحملت
لكن خلاص النهاردة أنا حد تاني
حد رافض يكون تاني أنهزامي
ولا مرة تانية هتشوف أنكساري
النهاردة منك أنت هااخد بتاري
أيوه من غيرك أنا هقدر اعيش
هأتعود علي بعدك وأنك ماتجيش
حبك كان نقطة ضعفي ولحظة طيش
وحناني وعطفي راح بأه منه مفيش
شفت أنت عملت بظلمك ايه فيا
أديتك حب أديتني قصاده أذيه
وقابلت بقسوة كل الشوق و الحنية
أنت اللي بدأت فمتلومش بأه عليا
مبقتش بتفرق ويايا إن انت مشيت
ولا حاجة أتكسرت جوايا ولا مرة بكيت
ولا حتي لرجعوك ليا لحظة أتمنيت
وان حد سألني ع الماضي بقوله نسيت
الشاعر حجاج فراج
ليست هناك تعليقات:
إرسال تعليق