طيور النورس 🐦
طيور النورس يابيضة
عجبتى المركبية
الود ودي ياجميلة
أعمل لك بنية
واسقيكى من الشهد ماية
وطعمك سردينة باءيديه
ياروح الشط دلوقتي
بقيتى رمز البورسعيدية
مع نور الفنار والميناء
عجبتى البمبوطية
وفى الصباح بتزقزقي
مع صوت السمسمية
طيور النورس يابيضة
عجبتى المركبية
بتعجبى السياح فى المينا
بطلعتك البهية
وتطيرى حولين سفينة
بيضة زيك يا شقية
وساعة رمي الشباك
بتطيرى يا عنية
خايفه من صياد
يحرمك الحرية
ويجرك فى الشباك
وتروحى ويا السردينة ضحية
طيور النورس يابيضة
عجبتى المركبية
بقلم / منى العشرى
٢٠٢٢/٨/٤
ليست هناك تعليقات:
إرسال تعليق