بالشقلوب.. من كلماتى.. عـــــــــــــــــــادل داود...
دنيا وماشيه بالشقلوب ولا عن آذانا عايزه...... تتوب صابرين.ومحتسبين.وراضين بالقسمه........والمكتوب
لكن ناس بلا إحساس بتظلمنا. وصابرين صبر أيوب
ببات ليلاتى.حزين باكى. وانا ديما فى دنيتى مغلوب
بالشقلوب.... ـــــــــــــــــــــــــــــــــــــــــــــــــــــــــــــــ
يتكرم.فاجر.ويتهان طيب.ويغتنى. حرامى.وبيتهان.طيبين النفوس
الصادق كذاب والكذاب صادق.مافى بيتعظ م الموت وياخد دروس
دنيا دواره.تجيب ناس تحت وطلع ناس فوق فيها متفائل فيها يؤوس
فيها فقير يغتنى فى لحظه وغنى يفتقر.. وفيها الحُر وفيها المحبوس
بالشقلوب.. ـــــــــــــــــــــــــــــــــــــــــــــــــــــــــــــــ
الجاهل عالم والعالم. بيجهلوه. والناجح بيفشلوه. ولورا راجعين
حتى فيه ناس عامله آله. وملايكه. وناسين خلقهم اللى من طين
وننده نقول حرام ياناس.يزدادو فى ظلمهم وعاملين مش سامعين
الكل.يتكلم فعل مفيش.دنيا. ماشيه بصوت عالى وتهويش.لناس ميتين
بالشقلوب... ـــــــــــــــــــــــــــــــــــــــــــــــــــــــــــــــ
فيه ناس ماتت لكن عايشين بينا بأعمالهم. وكتير عايشين مش أحياء
مش هنشكى غير للخالق. من ظلم وقهر وجبروت. هو رب السماء
تعبنا وتعذبنا. وخدوا. نصيبنا. من بشر. فقدوا الانسانيه والحياء
دنيامفيش غيرها حيرنا تفسيرها.مابتجيش غير على غلابه فقراء.
من كلماتى.. عـــــــــــــــــــــــادل داود.....
ليست هناك تعليقات:
إرسال تعليق