مالك ياصاحبي قافل علي نفسك.............. ليه
الدنيا ياصاحبي مبقاش فيها شيئ نبكي عليه
تعالي نتمشي ونشرب شاي وانسي الحزن وارميه
الهم فوق الكتاف زاد لحد الحمل ماتقل وحانيه
ياصاحبي نسند علي بعض طول عمرنا كتف في كتف جري ايه
الدنيا ياصاحبي مره وقاسيه والعمر فيها انسرق من غير مانحس بيه
كفايه كلام الدمعه نزلت من عيني و نستني انا نازل ليه
امسح دموعك يا صاحبي دمع الرجال مر ايه بس يحليه
روح يا صاحبي شوف حالك وخد بالك من الطريق اللي بتمشيه
مش عاوز حاجه اجبهالك وانا جاي قولي ياصاحبي نفسك في ايه
هههههه هات لي معاك العمر اللي راح وانسرق وازاى ألاقيه
ولا اقلك هات لي نص ضحكه و معاها كام فرحه لابسه سواريه
متصعبهاش عليه يا صاحبي قولي شيئ ممكن اعتر فيه
روح يا صاحبي ومتتاخرش عاوز ابص علي وشك واشبع بيه
يااااه ياصاحبي والله لقاعد جارك وشي في وشك انت العمر
اللي بتعكز عليه!!!!
Sameh Sameh
ليست هناك تعليقات:
إرسال تعليق