🦅طير البراري🦅
يا طير البراري يا طاير
يامعدى بحور ومهاجر
أوصل لحبيبى وقول له
الحب ملوش مواعيد
والهجر طريقه بعيد
والعشرة اللى كانت بيننا
ضيعها فى غمضة عين
هو انت ياضى العين
مش عارف غلوتك عندى
وحياتنا ولونها الوردى
ياطير البراري قول لى
وصلت الرسايل عنده
و قلبه فرحان برسالتى
على القمة أنا واقفه أستنى
تعود وتيجى بمراسيله
ويبعت معاك منديله
جواه أخبار سعيدة
وحكاية غرام جديدة
وتكون كلها أفراح
وانسى أيام الهجر
والوجع والجراح
يا طير البراري أنا صبره
تجيب الخبر من بكره
وحياتنا تكون ذكرى
لكل العاشقين
سلم لي عليه برموشي
والليل اللى مانمتوشي
هيقول له على أسرارى
والهجر اللى عاش جوايا
هيشوفه فى ضي عيونى
والدمعة اللى جوه عيوني
هتطير أول ماتجيني
يا طير البراري عود
أنا هنا فى انتظارك
وساكنه جو دارك
بستنى تيجي بأخبارك
وتفرح قلبي الحزين
ياطير البراري يا طاير
🌹✍منى العشرى
ليست هناك تعليقات:
إرسال تعليق