شاهد
*************
ولا كان بأيدي السفر ولا كان بأيدي البعد
القلب داب م الوجع والضحكه فيه ع القد
شافت سنينا الغلب وتوهنا ف وسط الدرب
والقصة لسه طويلة وكأننا في حرب
دنيا ولا بتداوي يوم مجروح
ولا دفت البردان ولا غطت المدبوح
شاغله الجميع وبلبسها تغري
ملهاش امان يا بن ادم اوعي عليها تجري
انا كنت قاعد عندها من طلعتي واقف
مستني دوري ف بحرها وموجها كان جارف
يلي السواد عبى طريقك دلني
اخرج ف قلب النور قبل الضلام ما يذلني
شاهد ولكن في بلاد الزور
ديما بيزرع خير يطرح ف ارضك جور
سقياني ليه المرار وانا اللي بزرع شهد
انا اللي بجني الشوك ليه للغريب الورد
سيقاني خطاويكي لقلب النار
ضاعت طروف الامل والحزن أصبح دار
***********************
عمرو تمساح ابوسفيان
ليست هناك تعليقات:
إرسال تعليق