♕ أَسِيدي يارَسُولَ الله ♕ بقلم الشاعر : محمد حديش بقلم الشاعر

 ♧نظم زجلي♧ 

♡أَسِيدي يارَسُولَ الله♡

~~~~~~~~~~~~ 

هْتَفْ لِيا حْبيبْ يْوَدَّعّني 

رَاحَلّ يّزورّ مَشْتاقْ

مّقامّ مَعْشوقي سِيدِي

بُوفَاطْمة نْبينَا المّجَدْ

تَحْرَگَ گلْبي مَنْ نُورْ 

شْواقوالضَّاوْية وْدَمْعَتْ

عَيْني فاضَتْ گطْراتْ

مْوَحْشة نْسايْمْ دَوْحَاتو 

أَسيدِي يارَسُولَ اللهْ 

حَرْفي فِي ذِكْرْ إسْمَكْ

شَادُّو حَالُو مْجَدَّبْ 

عاشَقْ فَ وْتارْ سيرْتَكْ

المّعَطْرَة المَسْكَيَة الغالْيَة 

أسِيدي حْبَسْني لْزِيَّارْتَكْ

ضُعْفْ حَالي مَالْگِتْ جَهدْ

نْدَعَّمْ رْكاني نْزورْ

مْقامَكْ الشْريفْ الْمْنَوَّرْ

وَنْصَلِّي فْ رَوْضْتَكْ الزَّاهْيَة

مَنْ جْنانْ المَنَّانْ المْعَطْرَة 

أَسِيدي يا رَسولَ الله فْ ذِكْرى

ميلودَكْ فَرْحَة تْهَزْ روحْ الْمومَنْ

مْحَبَّة فايْضَة وْفا ليكْ صْفا

وْالكونْ كُلُّو يْصَلِّي وْيسَلَّمْ عْليكْ

مَنْ الأَزَلْ القْديمْ ياعْريسْ القِيامَة 

أسيدي رْجَايا فْ مولْ الجُودْ 

السْخِيْ سُبْحَانُو يْحَقَّقْ رْجايا

نْزورْ الْمَقَامْ الشْريفْ

وَنْطوفْ بَالْبيتْ العْتيقْ 

گْبَل مَا تْفيضْ رُوحِي

لْرَبْهَا الْعاَلِي الكْريمْ 

ب͠ق͠ل͠م͠ م͠ح͠م͠د͠ ح͠د͠ي͠ش͠

       م͠.ج͠.ح͠

07\ربيع الأول\1444