لقانا
عبدالله رجب ابوعدنان
ف الشارع البحري
كان لقانا
كان هوانا
أول حضن
بيخط حروف حب
يدق القلب
كنا لسه صغيرين
يدوب ضفيرة
وخدود م الخجل ف حيرة
أمسك إيدك
أشم عبيرك
وبكسوف تجري
والفرحة ف العين
كبرنا واتغيرنا
ضلت مراكبنا
حتى الشراع
بقى أوجاع
والايد إللي ياما رقت
ع الوجع دقت
المصاطب اتهدت
لكن ماليني الحنين
كان ف إيدك وردة
ونظرة حلوة شاردة
وقلب دافي
وع الشفه عسل صافي
دالوقت المشاعر بقت باردة
والايدين بالجفا متلونين
ليست هناك تعليقات:
إرسال تعليق