قصة البدويه مع شقيها في طريقهم الي العِد هو مكان الأبار (الري)
الحلقة الأولى 1
........ولادابوك...........
بدويه .......الوصيه1✍️
تعال يا اخوي نمشو العِد.
نجمم بيرنا نملؤ الحوض.
شيل فأسك نجيب قصان
قبل المال لحوضنا يخوض.
أركب مُهرنا الجفال.
ارخ لجامو عندو عروض.
دريبنا طويل نصل بليل.
كلامي وصيه ليك فروض.
👆👆👆👇👇👇👇
ماتفرض في شيء يا اخوي.
حبل الدلو جديد مخروط.
رمل حوضنا قبل ينشق.
نروي بهمنا جت مظبوط.
اسمع قولي يخي وروق.
وسط الناس هناك ماتجوط.
ارفع لي معاك القفة.
فيها زوادة فول مخلوط.
😕😋😋😋😋😋😋
معاهو السمسم والدمسورو.
والروب في ام قعير مسدرد.
جيب السمن معاو صحين.
ومحارة يا باحش زادود.
كوك نادي كل الناس.
ناكلو سوية يا محمود.
اكل اللمة سمح بالحيل.
دربنا وسيع و ما مسدود.
🤝🤝::::::👆:::::🤝🤝
ابوي قالينا قبل نصل.
نقشي امي في القابة.
بتكسر في الحطب الان.
نساعدها حبه ماتابة.
امي سخية شايلة هموم.
هل؟ بترضي بي عذابة
امي حنونه ست الكل.
ترجع بدري تجيب نشابة.
👩👧👧👩👧👧👩👧👧👆👩👧👧👩👧👧👩👧👧
عشان نرجع معاك بعدين.
نلقي الحاجة اخدت راحه.
انت اخويا ليي سند.
وكت الدنيا تكون كتاحه.
قمر السبعة العالي مكانو.
انت حوتو وفتو مساحه.
قاضي الحوجة مامحتاجه.
انتي لقلبي شافي جراحه.
💔💟💫💫💫💟💔
.
.
أنهت الحلقة 😍
انتظرو رد الاخ قريبآ
طه التجاني حامد ود عد الفرسان
2022/11/5
ليست هناك تعليقات:
إرسال تعليق