شافوا الضحكه من الودن للودن
ماليه الوش مالمحوش لمعة العين
حسبنها فرحه بدل قيراط بالفدن
قالوا عايش متهني ولا شاف حزن
غاليه معلش الدمعه تلمع ماتنزلش
موجوع ولازم ارسم الضحك مابينش
ماسلمش الدمعه تخوني من اول حضن
بهرب بالبسمه والضحك وبردو مابسلمش
مش كل ضحك سعاده وراحه ماتصدقش
في ضحك زواق زي مافي دموع مابتنزل
جيراني من زمن وطبعهم ياناس
شايفني جعان يقولوا ده صايم
هافيم حياتي بفاميه عاكس
ولا اتشاف صاحي ولا نايم
عشت في حالي شفاف خالص
راقبوني قالوا في الهنا عايم
حسدوني علي حالي الناقص
لو شافوني ماشي سرحان
يقولوا محظوظ عاشق هايم
لو عرفوا ظروفي والكوارث
يجروا يشترولي فاميه عاكس
دنيااااا
سامح عزب
ليست هناك تعليقات:
إرسال تعليق