سامحني يا أبا
انا ندمان
دمرت نفسي بالأدمان
وصحابي هما اللي بعوني
غدرو بيا وكسروني
مع اني عمري ما كنت جبان
ربتني يا أبا بقرش حلال
وقلت يا ابني انا كبرت خلاص
وفلوسي ديه امانه معاك
وعملت لي شركة كبيرة
وقلتلي دية امانه معاك
وأخواتك انت هترعاهم
لاني مرضت بالسرطان
وامك يا ابني. خلاص. كبرت
وانت راجل وترعاهم
ووثقت فيا وفي صحابي
وانا قلت لك هما اخواتي
والشركه كبرت وكتر المال
والغيرة قتلت ضمايرهم
واتفقوا عليا بالأدمان
وطمعو فيا وفي مالي
وفي لحظة جم وخدعوني
وبرشام و خمرة ضربوني
وعلي كل مالي مضوني
وضاع شقاك وتعبك يا ابا
وانا بايدي ضعيته
لما شربت وخسرته
وسلمت نفسي للأندال
في لحظة طيش مع صحابي
ضاعت كل املاكي ومال ابويا واخواتي
وشربت اكتر وزيادة عشان انسي الخيانه
والغدر من اعز اصحاب وفضلت اذود في الادمان
هروين وشابو وبرشام لما وصلت للهذيان
وسرقت كل اللي في بيتي
دهب امي واخواتي
ووقفت حال البنات لما كله خاف منهم
وقالو اخوها مدمن وجبان
وبعت حتي حتي عفش بيتي
وامي ماتت بالجلطه
وابويا رماني في مصحه
وعدت سنه وانا فيها
معرفشي اسمي ولا كياني
ولا مين امي ولا ابويا
ولما فقت وعالجوني وطلعت منها انسان. تاني
روحت ادور علي ابويا لقيته خلاص يا ناس مات
وخسرت امي وابويا واخواتي اشتغلوا عند الناس
لا بيت ولا مال ولا دراسه
وكله خلاص ياناس ضاع
والسبب ايه
غيرالادمان
والبدايه كانت سيجارة
وصاحب ندل وجبان
سرد من واقع الحياة عن الادمان
بقلم الكاتبه والشاعره جيهان موسي الصياد
تابعوني عيون ابكاها القدر
ليست هناك تعليقات:
إرسال تعليق