كفاية تحوير.....
و ليه الدنيا تجمعنا
بناس شغلتها توجعنا
و تتفنن في أوجعانا
تعكر علينا فرحتنا
و تنفخ نار على نارنا
و ع الضحكة تحسدنا
بتمثل علينا كتير
و تْكَره فينا الغير
نفوسها ما فيها الخير
تعبنا معاهم ف التفسير
و قلوبنا عشان صافية
بتسامح و بتدافع
و بتقولي يمكن خير
تصيبني سهام
الحقد و الغيرة
و يقولوا فرحتها
عليها كتير
و تاخدني الدنيا
دي في حيرة
تزعل روحي
من التقصير
و اسمع صوت
بيوحشني
بيقولي يطمني
غيرتهم دي
خير دليل
على إنك الأفضل
و في عيونهم الأحسن
حسدوني في وجوده
و في غيابه
و قالوا حبه ليها كبير
سحر الشمس علشانها
و وقف البدر على بابها
و على قلبه توجها
ملكة و ما ليها بديل
أكيد يعني كتباله
سحراله و قالوا كتير
تعبت معاهم م التبرير
يا دنيا كفاية بقى تحوير
تهاني بركات ٢٤ / ١٢ / ٢٠٢٢
ليست هناك تعليقات:
إرسال تعليق