كنتي وبقيتي .. بقلم / السيد بدر
افتكري إني قولت لك
ميت الف مره
وبحبي ليكي بوحت لك
افتكري مره
محتاجه تانى
أقول لك أيه
فهميني لجل ماعرف
أنتي ايه يرضيكي أيه
............... افتحي الدرج اللي شايل
الرسايل والهدايا
اسحبي بشويش رساله افتحيها
شوفي آخر سطر فيها
جايز تحسي تفهميها
آخر كلامي ليكي ايه
بعدها هابعت ردودك كلها
لجل تاني افكرك ازكرك
وعدك . وردك . ليا ايه
عايزاني اقول لك تاني ايه
.....
انا كنت بفرح
لما اغمض عيني واحلم
ولما احس خلاص هافتح
اتفزع وبسرعه اقوم
اجري اروح لك
تلمحيني لعندي تيجي
تلمسيني المسك
أجي امشي قبل ما مشي
توعديني تحلفيلي
إن مافى في قلبي غيرك
ولو تفكر يوم تسيبني
استحاله ماراح اسيبك
ومهما تبعد شرق غرب
وعد عمري ماخلفة
وعهد مهما تغيب ماسيبك
..... انتي فين من كل ده
جاوبيني ردي
واللي كتفك جنب كتفة
وخطوتك من خطوتة
يبقالك ايه
جاوبي ردي
ولا أقولك اسكتي
العبي الدور
إللي كنتي
زمان عليا بتلعبيه
عيشيه فى الوهم زي
اخدعيه
فهمية بالكدب إنك
دايبه فيه
وإنه اول حب عمرك
وإنه حلم . بتحلميه
ويوم ما يظهر البديل
العبي دور الضحيه
حسسية إنك وافيه
دور وسهل تمثليه
تنهي بيه المسرحية
النهارده راح اقول لك
إنتي حرة
تروحي تيجي
ماتفرقيش
قصدي قربك
نفس بعدك
لابحنلك مابحسكيش
إنتي كنتي ولما خنتي
تاني ليا ماتلزاميش
عيشي حرة وبطريقتك
وبطريقتي حر اعيش
لا كنت ليكي ولاكنتي ليا
خلاص ما عدش يخيل عليا
بيك من غيرك بعيش
عايزه تاني أقول لك أيه
مستحيل اضعف واقول لك
. انامش هاقول لك
باقيتي بالنسبالي ايه .
بقلم .السيد بدر
ليست هناك تعليقات:
إرسال تعليق