العين تناجي العين
بيقولوا أحلى كلام
فيها الشوق و الحنين
بالود و الإلهام
غزل و ضحك و غُنى
ولحظات ابتسام
بتشاور من بعيد
بيقولوا لبعض سلام
تسمع نبضات القلب
وعيون ما تنام
تظهر اللي جواك
وتحير الأفهام
لو بتحاول تخبي
العين تعمل صدام
هاتكشف اللي بيك
لو لوم أو استسلام
بتقول آهات وأنين
بصوت حزين لوام
ولو قلبك مشغول
تحكي الشوق والغرام
ولو محتار تلاقيها
بتزوغ على الدوام
وفي لحظة النعاس
هاتشوف كتير أحلام
لغة العيون فضاحه
بتقول أحلى كلام
(((أسامه جديانه)))
ليست هناك تعليقات:
إرسال تعليق