حلمي إنسرق
خلصت حكايتك
خلصت حكايتك ياجدع
قوم من التراب لم الوجع
أوعاك تفكر فى إللى كان
ياما فى زمانك من كام وجع
نفض هدومك من التراب
خبط وفوت على كل باب
دق بوجع
وإصرخ وقول حلمي إتسرق
وإمشى فى طريقك من سكات
إياك تفكر فى إللي فات
الحلم مات الحلم مات
كل إللى باقى من الزمن
إنك تموت وبدون وجع
الظلم ليه ألف باب وباب
أوعاك تقول إني إنظلمت
إوعاك تفكر يوم فى حلم
أد إنت شوفت مين إللى ظلم
وعرفت مين إللى إتظلم
شعر
على أبو السعود
ليست هناك تعليقات:
إرسال تعليق