يا حضرة جناب المرتب .. !!
يا حضرة جناب ..
معالى ... المرتب
يا صاحب المعالى
بنحبك .. يا غالى
يا قمر .. بيلالى
وعالى ... المقام
اسمح لى يا باشا
يا راكب .. دايما
جناح الفراشة
اسمح لى .. اقدم ..
مليون .. تحية
وتعظيم .. سلام
واسمح لى ..
يا غالي ...
يا شاغلى بالى
اقف ع بابك
واسأل جنابك
كاااام ... سؤال
بكل حب ..
وعظيم .. احترام
ليه حضرة . جنابك .. ؟!
متكبر ... علينا
مخاصم .. جيوبنا ..
ومطلع ... عينينا
ومحزن .. قلوبنا
معاك .. ع الدواااام
وتاعب .. نفوسنا .. ؟!
رغم إنك .. فلوسنا
ومزودها .. قوى
معانا .. افتكاس
تهرب .. قووووام
وتموت ف الخصااام
هو احنا .. يا غالى ..
مش حبايبك ..
بتوع .. زمان .. ؟!
ولا احنا .. يا غالى ..
صبحنا .. النهارده
مش .. قد المقام .. ؟!
وليه ... جنابك ..
يا فندم .. ؟!
لما تخش بيوتنا ..
بتكون .. قرفااااان
وراكب .. معاليك
خمسين .. حصان
تجرى .. وترمح ...
من غير كلام ..
ولا حتى سلام
رغم حجمك صغير
وتخلص ... قواااام
جاوبني .. بالله عليك
ربنا .. يهديك ..
ويبارك .. فيك ..
ويعلى مقامك ..
كماااان ... وكماااان
بس .. ياريت معاليك ..
تصبر شوية .. حدانا
حلفتك ... بالأمانة
تتغدى عندنا .. يوم
وتدوق بالمرة .. أكلنا
وإن عجبك .. وضعنا
تستنى .. عندنا
منت .. واحد مننا
يا فرح عمرنا ..
وبحر ... الغرام
دا احنا .. حبايبك
ودايبين ف حبك
رغم قساوتك ..
نفسنا .. يوم
نحس .. بغلاوتك
وتحس .. بهمنا
قصر الكلام ...
يا عالى المقام
بدعيلك .. دايما
بالبركة ... يا غالى
وتحس ... بيا
ودمعة .. عينيا
وتحسن لى .. حالى
وترضى ... عيون المدام
الشاعر / منصور ابوقورة
ليست هناك تعليقات:
إرسال تعليق