الفقر مش عيب
=========
عمره ما كان معيوب
ولا حتى كان بيهين
فقير فى دنيا الناس
لكن رب العباد بيعين
قادر يصونك م المطر
لو حتى الجدار من طين
والرزق كان مكتوب
قبل الأوان بسنين
الفقر فقر النفوس
لو كانت معاك ملايين
والعزة مش فى الفلوس
وشوف قارون بقى فين؟
ربك ده رب حنون
ميهونش عليه مسكين
واصبر كده واحتسب
تلقى الثواب ضعفين
ماتلومش يوم بختك
وتقول الحساب على مين
دا ياما اغنيا في التراب
والتربه يادوب .....مترين
======================
مصطفى محمود المرسى
مصر 🇪🇬
26/12/2022
ليست هناك تعليقات:
إرسال تعليق