♕ تْخَيَّلْتَكْ حَلْمَة ♕ بقلم الشاعر : ذ.محمد حديش

 ♧زجل♧

❤تْخَيَّلْتَكْ حَلْمَة❤

~~~~~~~~~~

ياكْ تْـــخّيَّلْتَكْ فْ مْنامي حَلْمَة

لَبْـساتْ ذاتي بَــحْرووفْ زينَكْ 

ؤُتْجَـــلاَّني عَــشْقَكْ طـاايَرْ بِيا 

مْـــعَلِّي بَــعْطوفْ بْـــدَرْ بْــهاكْ 

وَالْگَلْبْ يْــفَدْفَدْ بْدَقَّاتْ الغْرامْ 

المَــكْتوبَة فْ سَّـــرْ زَهْري نْتِيا 

يــاكْ مَــلِّي نَتْبَرَّمْ مْلَحَّفْ هْواكْ

يْشَدْني الْواقَفْ بْجَذْبَة غْرامَكْ 

وْمَــلِّي نْحَنْ ليكْ نَتْخَيْلَكْ فِيا 

مْـعَنَّگْ شَـهْقاتْ الگَلْبْ صْروفْ 

ؤُمْطاطي لْـريحْ تَـعْصارْ التْمامْ 

راخي الـــجَامْ التَّـايَهْ فْ يْــدِيا 

يـــاكْ مَلِّي شْــرَبْتْ خْمَرْ بَحْرَكْ 

مـــَنْ كــيسانْ سَــكْرَتْ العَشْقْ 

تْحَيَّرْ هييتْ سَـرَّكْ السَّاكْنَة بِيا 

ؤُمَلِّي يَنْشَطْ الخاطَرْ بْشوفْتَكْ 

تَــزْها الرُّوحْ بْتَبْسيمَة خْدودَكْ 

تْلاقا عيني بْـعينَكْ تْـدوبْ فِيا  

يـــاكْ مَـــلِّي رْسَــمْتْ رْسـومَكْ

فْ خْيـوطْ فْـــجَرْ رْمـــوشَـكْ 

وَدْفاكْ بْــجَنْبي مْــكالي الكِـيَّا 

الكَوْياني مَــنْ صَـهْدْ السْواكَنْ 

تْــجَرْني جَـــرَّا بَعْيوطْ تَسْحَرْ 

تَــمَّ تْفاجا الخَاطَرْ عْرَفْ مابِيا 

ؤُمَــلِّي كْتَبْتْ حْروفَكْ نَـــغْمَة 

فْ خَــاطَرْ الْـــحالْ الــمْعَــصَّرْ 

بــانْ الـــفالْ بْـــصورْتَــكْ فِـيا 

تَـــمَّاكْ عَــنَّگْ تِـــهالَكْ غْــرامي 

شَـــبَّكْتْ يْـدِّي بْــيْدِّيكْ عَطْفَة

گَــيْداتْ قَـصَّتْنا فَــرْحَة هَْـنِيا 

بقلم ذ.محمد حديش 

         م.ج.ح 

~~~~~~~~~~

31\12\2022