(. جنازة أنكل جنيه. )
مستر شربتلي جا يعيطلي
عطسا في كحة ترالالالي
طب اعمل ايه
بيقولو اليورو بخمسة جنيه
والدولارست متعفرت
حد يقول بقى طب ليه
غلا في السوق شوفوا بجاحته
ماشي يبرطع واخد راحته
زاد عن حده ربع جنيه
جرى إيه يا أخوانا
هي الدنيا فيها جرى إييه
وعم شلاطه بياع البطاطا
بقى مستورد فراخ بانيييه
عندك حق يا شربتلي
تيجي تول ول مش بس تعيطلي
تعمل زيطه وتطبلي
بس اسمعني يابني اسمعني
ركز وافهمني انت جايلي
زي الشيخ الشريب تخسرني
بعد ما مشا الفلاحة باع الجرار
ماشي يكلم نفسه ويقول
انا ديب انا ديب انا ديب
ماشي يعاكس في بنات الناس
عامل روميو وحَبِيبْ
ييجي يعاكس يقول
راح الجنيه المسكين
تعب الحنين واخدينوا على فين
البيه ين وعم اليورو جايبنلو طبيب
دكتور دولار بيقولو الشفا حيجيب
وأتاري كاتم على نفسه
المصري يقوله سيب
والدكتور مش راح أسيب
تدفع تمن الكشف
يا إما الخسف
ولا بلاش خليها نسف
منتش جاي في طوعي
تبقى عني غريب
والمسكين بيصرخ ولاحد يجيب
والعملة العربية ماشيه وراهم
واقفة بتتفرج وتقول دا نصيب
مات الجنيه عملوا صوان
جابوا ميزان ملقوش فيه حاجة
يجيبها من الدكان
فيه دَيانه والمسكين في خبر كان
نشروا نعي في عنوان
أسود اسود مش ألوان
مات مات العدمان
وسط العملات كان حيران
من تمانين سنة كان شيطان
كان راعب كل العملات
دلوقتي خلاص بقي إنسان
ماشي في حاله للنسيان
راح زمنك والله ياشربتلي
معسله يابطاطا زمن الباشا شلاطه
حتي اسأل طنط أطاطا
أسأل كعبر زن نمبر جن
هتلاقي الشحاته صارت فن
لو مش هتصدقني
أشرب شاي الشيخ الشريب
بالسنت بالسحتوت مش حتخيب
واعرف حجمك تبقى حبيب
هي جنازة عاوزة إزازة مع حجرين
تبقى واد لعيب
وامشي وكهكه
أمشي وعييط
فيها مش عيب
بقلم الضاحك الباكي بلال هشهش بيلا مصر
31/12/2022
ليست هناك تعليقات:
إرسال تعليق