♕ حكاية ♕ بقلم الشاعر : أيمن بلال

 ............حكاية

قالوا الهوي آهات 

قلت ياما قلتها

قالوا حكايتك 

قلت في اسكندرية عشتها

قالوا حبيبتك

قلت مفيش في حسنها

قالوا راحت فين

قلت ربك عالم بأرضها

قالوا فاكرها

قلت اسألوا عني شطها

قالوا مدينتك

قلت يادوب بيت علي رملها

وازاي بنيته

بنيته خيال وأنا ف حضنها

مين اللي هده

زمن لا كان ليا ولا كان لها

طب ايه اللي فاضل

ذكري بأعيشها علي شطها

لسة فاكرها

لسة باحلم اني في حضنها

ايه اسمها

ف كل حكاية حب هتسمعوا اسمها

..... أيمن بلال ...