عبد الفتاح عبد الرحمن والي
(ناقوس الخطر)
دق ناقوس الخطر
البنته لسه صغار
عايشه في صورة بشر
ضاقت عليها الدار
عين عليها الغفر
يحرسوها ليل ونهار
البنته زي القمر
كل الشباب إحتار
شار علي أبوها القدر
جوزها واحد من الكبار
قال يا خي عيب
البنته لسه صغار
دا عمرها يا دوب
واحد وصفر من الأصفار
يا عم الجواز ستره
وتتسنن في الصحه
ونبعت علي طول إنذار
قال يا شيطان إنت
طول ما إنت طبال أنا زمار
طب سيبني أشاور
من غير مشاوره
يعني هتوديها للنار
يلا يا شيخ يلا
والشيطان يضحك علي الحكايه
البنته هتتؤد ولا فيه إختيار
قبض التمن أبوها
فصلوا هدوم جديده
ولا تعرف منين جابوها
بكره العيد يا أبا
أيوه عيدك إنت يا شمس النهار
ما تعرف حاجه عن الجواز ولا الجهاز
ولا بيت الكبير اللي مليان بالنار
علي فين يا شمس رايحه
هلعب الأولي يا أبا
خلاص ما بقاش لعب بقيتي كبيره وخاصمي الصغار
يلا يا وليه حطي شويه أحمر علي الخدود
وإدهني الإيدين بشويه من الصفار
لأجل ما تعجب عريسها
وبعد الجواز ه والجنازة وقبل طلوع النهار
طلع من غير شمس
وملت الدنيا نار حاميه وغبار
خدت إيه يا أبا عبستار
غير موت شمس إللي كانت منوره عليكم الدار
مش هنعقل ولا إيه..........................
ليست هناك تعليقات:
إرسال تعليق