عبدالفتاح عبد الرحمن والي
أغنيه..........(يشبه حبيبي)
هو لسه بكره بدري
ولا فاضل في العمر إيه
لما تيجي ضحكه تجري
ولا حب كان أندم عليه
ولا دمعه قوام تخبي
وتقول إحنا ليه فارقنا ليه
يا قلبي يا كل البراح
إللي كان حضن وسماح
لما كانت كل كلمه حلوه
قبل ما أقولها باينه في عنيه
يا عمري إللي عدي راح
قوللي قد إيه الجراح
لما قلبي كان يبكي عليه
يا كل السنين والشوق والحنين
إللي دابت أيوه دابت من لمسه إيديه
هو لسه فاضل يا روحي في العمر إيه
ولا لسه جاي بكره بدري
قوام ليجري ولا أنده عليه
ليغير من إللي كان ناسيه حبيبي
وأقوله زمان أبدا ما ينسي
دا كان يغير من النسايم وكان يغير من عنيه
ولما يبعد يغضب ويعند
ويودع هوانا وفين ألاقيه
غضبه حكايه غيرته روايه
أصالحه في ساعات وينسي دا ليه
يا كل إل ليه بجد بتخاف علي
ولا سايبني لبكره أتحايل عليه
مش إنت عمري يا كل عمري
ولا غيرك حبيبي وتشبه إليه
هو لسه فاضل في العمر إيه
يعني إفتكرني لما هجرني
يرجع لي عمري ولا لسه ناسيه
طيب. باعني بكام وفين الكلام
لما قالي يا روحي بعمري شاريه
هغيب عنك شويه لحد المغربيه
ما إنت عارف إنت كل إللي ليه
ولا قلبي عمره من غيرك يعيش
إسأل يا روحي إمتي تحلا لياليه
ليست هناك تعليقات:
إرسال تعليق