( غياب وسراب )
قال الشاعر :
...............
بلاش من إللى غاب
ولا تحكى فى العتاب
كتر الكلام بيجيب كلام
يزيد ويؤذى بدون اسباب
اهل الشهامة من الالباب
يريحوا النفس من اى عتاب
روح الصراحة تاج ع الراس
شمس الأصالة بشعاع خلاب
ريح بالك من اللي فات
بأدب وافر بنبل ثبات
إبعده عنه لو اتاك
يؤخر فيك يجيب اعطاب
حلو السؤال لو ايه جواب
برأى ناصح موش بحجاب
تزرع محبة بطيبة للناس
بتقاوى صالحة اخرتها تراب
لكتر الكلام متكنش حابب
لعلو صوتك متكنش غالب
انصت واسمع بدون نسيان
تبقى مقنع فى الاحسان
لما تكون ضيف لعتاب
ابعد غرورك تبقى صواب
معروفة مين الدنيا دية
دنيا واعره متعبة وملتوية
فيها اللى ماشى معملش حساب
واللي غلط فى الصح وفي الحق عاب
غير سوى مضطرب بالعنجهية
فارض وجوده بنكت قهوجية
تجاربه في الحياة مش اللى هية
اسرار الغير عنده غية
البصة من الغريب غبية
وإن كان قريب مهياش وسية
القيمة والمكانة من زمان
من ايام الجدود دفعوا التمن
ولا حد فيهم فى الخير اتظلم
الطيبة مش عباطة ولا حواطة
هي وقار بالادب منذ الصغر
مولد يا دنيا مليان بدع
محتاج يحلى بوجود جدع
تمشي الحياة بدون عوج
والخاطر يطيب يحلو طعمه بالصفا
والبال يروق بصديق ونيس بالوفا
فيه النقاهة للراحة من الجفا
ندعوا رب العباد وايدينا للسما
بالستر مطلب والرزق من ربنا
ونشوف الدنيا حلوة بسعد وهنا
وتدوم علينا الصحة هو دا المنا
...........................
احمد الشريف حسين
ليست هناك تعليقات:
إرسال تعليق