( ماتقول ياقلبي )
ماتقولي ياقلبي مالك
متغير ليه إيه جرالك
وإيه إللي غير أحوالك
مايكونش بتحب جديد ...
أحوالك بقت غريبة
ومشاعرك مرتبكة وعجيبة
فضفض وقول مش عيبة
أنا كل أملي أشوفك سعيد ...
الحب دا شيء جميل
بيسهرنا في حضن الليل
ومهما الليل كان طويل
أكيد بكرة هيشرق بالعيد ...
ياما هتآسي وتتحمل
ومكتوب عليك تكمل
هتتعذب منه وتتألم
طالما إنك للعشق مريد ...
دا الحب مكتوب علينا
بنسلم ولا شيء بإيدينا
وتفضحنا دموع عينينا
من كتر الأسوة والتنهيد ...
ليه دقاتك زايدة دقة
ولا نار الحب حارقة
خلاص ماعدتش فارقة
مهما ناره جواك تقيد ...
عيش التجربة وإتعلم
ومهما تعاند أو تتألم
لازم يوم للحب تسلم
حتى لو كنت ياقلبي حديد ...
ماتقول ياقلبي
رومانسية
بقلمي د/ وحيد محروس خليل
ليست هناك تعليقات:
إرسال تعليق