مين
بقلمي يحيى حسين
مين في الدنيا فيها باقي
وكل ما فيها فاني زايل
فيها ناس عاشت وماتت
بس جم فاتوا رسايل
قالوا فيها الدنيا فانية
جاهل واتعشم في دنيا
فيها قلوب الناس معادن
تبرق وتصدي في ثانية
منها الرخيص ومنها الثمين
وياما صاحبنا رسامين
ولما عشقني بدر الليالي
طلع النهار قال انت مين
انا مين
أنا الحبيب
صاحب اليمين
انا اللي صونت عهدي
حفرته على سطر الجبين
انا اللي قلبي عسجد
طينه تبر ثراه لجين
غلط في يوم وكتب بحبره
حبه ليكي وكان أمين
لكن قولي إنتي مين
يالي زرتي مرة
في يوم الوتين
يالي جيتي غزيتي قلبي
وحركتي فيه الحنين
يالي كنتي جنة حياتي
فيها الحبايب متجمعين
إنتي اللي مين
يا حلمي
يا تعب السنين
يا بلسم بيكوي الأنين
يكويه بنار الحنين
إنتي مين
إنتي مين
إنتي أكيد واحدة تانية
زي الناس تبيع في ثانية
زي الدروب
زي الحياة
ودنيا فانية
القاهرة
31 يوليو 2021
ليست هناك تعليقات:
إرسال تعليق