........... الشك ............
تعبت من ألاعيب الشك
ووقع قلبى فى المرار
عشت حياتي فى قلق
بتخيل العصفور غدار
لغاية ما ريقى أتشنق
من سووء ظنى الجبار
الحقيقة ضياء من الحق
خلت ضلمة الليالى نهار
غمضت من مقابلة الصدق
مش قادر أواجه الانوار
عاتبت نفسى بكل قسوة
خاصمتها فى كل حوار
مش قابل منها أى دعوة
والندم جوايا قايد نار
حتى عيونى لومتها بقوة
على ظلم أخرته دمار
الشك خلى حياتى ضلمه
وكل الدنيا قدامى عتمه
وحرمنى من أغلى نعمه
راحة بال قلبى والإستقرار
......................................
......... حسن الشوان 🇪🇬 .....
ليست هناك تعليقات:
إرسال تعليق