حنان الإم
مقام الام عظیم إمایده رب الکون
لیش إتخل ضمیرک ما تمر بیهه
نسیت السهر تعبانه او تلولی إعلیک
ترکت الجنّة من غیرک یداریهه
ما عندک وفه لو دهوراک البین
من حقهه تبوس إتراب رجلیهه
خطیه إدموعها تهمل تکصر الجام
قلبک من صخر چا یمته توفیهه؟
شیّب راسهه إبریسم شعرها الچان
الحنان المشّط إزلوفه التحنّیهه
تصیح إبصوت مر طعم اللبن رضعیت
ولکن صایر أبکم ما تحاچیهه
اذا مشغول بالعیشه او تلم إکنوز
الکنز عند إمک إعلم و إتصل بیهه
حتّی بإلحلم تنساهه و الافراح
مثل ما تخدم إعیالک تباریهه
نسیت الشالتک تسعة شهور إرداف
او حضنهه الدافی من إتفز یواسیهه
الدّنیا إمدثّره إبحب او حرب و إجروح
لا تزمخ علی إمک لا تخل بیهه
حنان الإم شبه وردة إبطن بستان
کعبه او طوفها و إشتم معانیهه
وجودک منهه متلبّس ذهب و الماس
السفر لو حان لا تشرم تراچیهه
تفدیلک گلبها و العگل و الروح
تنادیک إبلطافه او ما تنادیهه
تنطیک الگلب لو شافتک محتاز
لو قل شوفها من هو الیدلیهه
خابص نفسک السانک طویل إیلوط
إهوایه إجروحهه مو حق تداویهه
من تحزن تبوسک بالحلگ و العین
لعنه إعلی النساها او ما یمر بیهه
جاسم ثعلبی الحسانی ( د. جاسم محمد الحساني)
02/12/1398
ليست هناك تعليقات:
إرسال تعليق