مش هقول اليوم ده عيد
لاجل وردك مليون شهيد
لا... هقول وهعيد وازيد
النهاردة يوم سعيد
يوم ماجندك كان عنيد
زلزل أرض الفيروز المجيد
لسه كل يوم يسطر
من ترابك عاش شهيد
ومات شهيد
وصاح وليد
لاجل يرفع رايك لبعيد
فاكرة لما أسودك حطموا السد العتيد
لسه ياما هقول وازيد
يامصر فداكي مليون وريد
فاكره لما رد اعتبارك لاجل فجر يوم جديد
في حماكي عاش لنيلك بإيد من حديد
كانوا فاكرينك تبعهم وياما كادوا ليكي كيد
باسم ربك اللي حماكي وبجنودك العزم شديد
دمروا العدو اللي كان بيحلف بالوعيد
كانوا جوا حصونهم مرعوبين من الحصيد
هما جندالله أكبر؛ صيحة ترعب؛ شيء أكيد
ولا بارليف اللي أصبح بوابات تعزف نشيد
بلادي بلادي إنت مصر ودول جنودك وده ترابك وده تاريخك بالأمجاد يعيد
مصر كانت للعدو مقبرة ولأي غاز يكون فقيد
هللوا ياشعب مصر النهاردة ده أحلى عيد
حقكم بالنصر تضربوا تعظيم سلام للجند الفريد
حقكم منهم تربوا ولادكم ولكرامتك تستعيد
مصر مش محتاجة للعون أيادي
طول مافيه مية مليون شهيد
علموا العالم ازاي تصون بلادك
وهو ده بيت القصيد
يوم سعيد ونصر مجيد
النهاردة ده أحلى عيد.
كلمات الشاعر الاستاذ /أحمد بيضون-مصر
ليست هناك تعليقات:
إرسال تعليق