يوم النصر
فى يوم النصر يابلادى
فداكى الدم وفؤادى
تنادى لى اكون موجود
وصرخاتى ك طلق بارود
وتكبيره تهز الكون
وتتخطى جبال وسدود
انا الجندى حارس بابك
تموت روحى فدا ترابك
ولينا فى الحروب امجاد
وكنا فى السلام رواد
فداكى الكون واولادى
ده انتى العشق يابلادى
قالوا بارليف ده خط حصين
وخطيناه خلال ساعتين
انا خير الجنود فى الارض
انا حامى التراب والعرض
وانا الفارس وانا المغوار
وصرخاتى تطلع نار
انا عادل ومش ظالم
وانا الطيب وانا مسالم
ولكن مصر خط احمر
وياما غُزاه هنا مروا
ونالوا هزيمه وانكسروا
وكان يوم العبور اعياد
وعاش المعتدى فى سواد
تعيشى ياحبيبتى يامصر
ونفتكرك فى يوم النصر
شعر احمد اسماعيل / شاعر العرب
ليست هناك تعليقات:
إرسال تعليق