شكوى
/////////
المدعي؛؛مواطن
المدعى عليه؛؛ وزير التموين
الحاكم؛؛الله
//////////////////////////////////////////
لعزتك ياربي الجبار
برفع هالقضييه
شكوى ع وزير التموين
بالعربيه السوريه
العيشه عنا صارت نار
الغلا ضرب عليناحصار
بنطلب منك ياجبار
تفرجهاعلينا شويه
//////////////////////////////////////////
خود الغلا عنا شوي
نحنا عبيدك هيك خطي
تغلي علينا النور والمي
والمواد الغذائيه
//////////////////////////////////////////
اما اللحمه مابتنداق؟!
افرجها علينا ياخلاق
عيشتنا مابقى بتنطاق
بدها حل هالقضيه
//////////////////////////////////////////
بدنا ناكل شوماصار
كبدة جحش لحم حمار
بدنا ناكل قشة فار
حتى تكفي الخرجيه
//////////////////////////////////////////
عيشتنا مابقى بتنفع
والغلا نيابو بتطلع
ونحن لذكرك بنخشع
بدها شوية حنية
//////////////////////////////////////////
وقبل ماانهي الكلام
بهدي لنبينا السلام
وبطلب من صحبوالكرام
يطلعوا شي دورية
//////////////////////////////////////////
موال؛؛من كلمتين،،فقر وجوع
//////////////////////////////////////////
فقر
/////
ف،،فاضت همومي ببحوراصرت غريق
ق،،قلبي بيصرخ ياحبي دخلك فيق
ر،،ربي ياربي ماعاد عندي صبر
//////
جوع
/////
ج،،جنيت وبيني وبين العصفوريه شبر
و،،وصيتي ياربي قبل ماأسكن قبر
ع،،عيني تشوف لقمه وماأموت عالريق
//////////////////////////////////////////
شعر ؛ نذيردهان
ليست هناك تعليقات:
إرسال تعليق